الصيف دخل، الطلبة بداو يشدّو في ديارهم، اللّي روح روح و اللّي و اللّ دبّر خدمة دبّر، العايلات اللّي عندها باك والاّ كنترول تحضر في روحها و اللّي يجري و يجاري صالة و عربون و حلو و استدعاوات يحضر في عرسو و اللّي يخدم و يكمبس للكونجي بش يلم فية مناسباتو العايلية الكل، الحاصيلو كل فول لاهي في نوّارو..
عاد هاذي فرصة ذهبية يا مدام فوزية كيما يقولو جماعة الفريب، قلت فرصة بش يقرّو بعض التعديلات البسيطة في الاسعار لا اكثر و لا اقل، ما نطولش عليكم برشة و نبشّركم ببشارة طيارة (بشارة اتصالات تونس موش بشارة اهل الجريد) بانطلاق موسم الترفيع، عفوا التعديل، في الاسعار بالزيادة في سعر السيمان ماهو الصيف معروف بالمرمة و البني، اللّي يبدل في الفورماسيون متاع دارو و اللّي يحسن في الواجهة و اللّي يزلز في السطح بش يعمل فيه طهور ولدو الكلّهم يلزمهم يعاودو حساباتهم و كان لزم يستنجدو بكنتابلي خاطرها الكل طاحت في الماء بما انهم زادو في السيمان
و هذي البداية و مزال مزال
بشارة اتصالات تونس
بشارة اهل الجريد
ليست هناك تعليقات:
إرسال تعليق